Strafagansa Celf 08
Mae’r Strafagansa Celf wedi bod yn rhedeg yn llwyddiannus ers deng mlynedd bellach – prosiect yw hwn wedi’i anelu at bobl sydd ag anableddau dysgu.
Trefnir nifer o weithdai dydd yn ystod y flwyddyn, yn ogystal â chyfres o weithdai dros yr haf.
Trwy’r Strafagansa Celf, daeth cyfranogwyr Mencap Llanfyllin, Cae Melyn Y Trallwng, Rhoslyn Abermiwl a Chanolfan Dydd Tre’r Llai at ei gilydd i gymryd rhan mewn gweithdai a gynhaliwyd dros gyfnod o 4 wythnos yn Llanfyllin yn ystod mis Awst. Y thema eleni oedd ‘Y Môr’ a defnyddiwyd cyfryngau celfyddydol megis cerddoriaeth a chanu gyda Niall Evans, dawns a drama gyda Helen Young a chelfyddydau gweledol gydag Ingrid Maugham. Roedd y canlyniadau yn drawiadol, ac ar y diwrnod olaf cafodd pawb gyfle i rannu eu gwaith creadigol gyda chynulleidfa oedd yn gwerthfawrogi’r gwaith.
Hefyd yn yr Hydref, cafodd cleientiaid Mencap y cyfle i fwynhau gweithdai gwehyddu helyg gyda Caroline Lowe.
